Formannskapet stemte for kapitalutviding på fem millionar kroner til Dommersnes AS

I formannskapsmøtet i Vindafjord 15.10.24 kom AP med dette alternative forslaget til vedtak i saka der kommunedirektøren føreslår å vedta 5 millionar kroner i kapitalauke til Dommersnes AS :

“Alternativt forslag sak 063/24 frå AP, Øyvind Valen:

  1. Kommunestyret er innforstått med at selskapet treng auka kapitaltilførsle for å få ferdigstilt reguleringsplanarbeidet og arbeidet mot marknaden.
  2. Kommunestyret er opne og ser positivt på at andre private eller offentlege aktørar kjem inn i selskapet. Det kan vera naturleg at kommunen sin eigardel blir redusert.
  3. Kommunestyret ber styret undersøke om det er aktuelle selskap som vil gå inn i selskapet, og koma tilbake til ope eller lukka formannskap 26. november eller 10. desember med tilbakemelding.”

Forslaget blei kun støtta av Vindafjordlista (Anna Steinsland). FRP, H, SP og KRF støtta forslaget til kommunedirektøren.

Oppsummert:
Formannskapet stemte for å bevilga ytterlegare 5 millionar kroner til Dommersnes AS.
7 stemte for kommunedirektøren sitt forslag, 2 (AP og Vindafjordlista) stemte for AP sitt forslag.